过左个几星期，Carol净係打过两次返黎搵Jacky，而且因为要避开屋企人既监视，所以每次都係晌街度打，讲左冇两句就琴琴青收线。
Jakcy等到鬼死咁心急，但又唔敢打电话搵Carol喎……
又过多几日，Jacky终于忍唔住，夜晚等鸡雄一放工返到屋企就拉住鸡雄，要佢陪佢落街打电话搵Carol。
　「阿雄哥，我求下你，同我落街打电话啦！」Jacky好难得咁低声下气。
　鸡雄岩岩返到黎，知道出面落雨落到好似落狗屎咁，当堂冤起块面：「阿Jacky哥，我都求下妳啦，而家落到咁大雨，不如等Ｄ雨停左先啦……」
「唔得呀！」Jacky好似想喊咁：「我实在太挂住Carol喇……佢……佢已经成个星期冇打过电话畀我喇……」
鸡雄吞左啖口水，其实佢自己反而日日都有同Carol倾电话，今日晏昼Carol先岩岩Call过鸡雄，话已经谂清谂楚，都係唔捨得爹地妈咪，所以正考虑紧点样同Jacky讲分手……
Carol又话好挂住鸡雄，好想见佢添，Ｄ语气仲有些少怕怕丑丑咁，引到鸡雄几乎要走入厕所打返次飞机。
不过见到Jakcy果副好似死左老豆咁既口面，鸡雄当然唔敢同佢讲啦。
「阿雄哥，我求下你丫！我真係好挂住Carol，好想听下佢把声呀……」讲完真係喊左出黎。
　鸡雄一见到女人Ｄ眼泪就冇哂办法，就算果个係男人婆都一样，唯有即刻举手投降：「好！好！我同妳去……唔该妳即刻收声先啦……」
Jacky当堂开心到声泪俱下，左一手眼泪，右一手鼻涕咁，捉实鸡雄只手猛咁摇
　鸡雄叹左口气，唯有死死地气拎左两把遮，陪左Jacky落街。佢地唔敢晌附近打电话，只有冒住大雨行多两条街口，搵左个公众电话亭。
Jacky即刻扑左入去，好心急咁入钱打电话，仲紧张到连个大饼都跌左落地添……
果阵Ｄ雨落得鬼死咁大，鸡雄就算担住把遮一样全身由头湿到落脚。
佢睇住Jacky晌电话亭里面讲到好似好激动咁，心知Carol梗係讲紧唔肯同佢走佬既事。
Jacky越讲越激，一面讲一面猛咁用拳头打个电话亭块玻璃，仲打到「砰砰」声响。
鸡雄又唔係担心会畀Jacky打烂，因为果块係不碎胶，佢担心Jacky只手多Ｄ……
因为佢见到Jacky个拳头已经打到流哂血。
最后，佢听到Jacky大声咁嗌左两声：「Carol……」
跟住就揽住个电话晌度大声喊……
忽然间又发左狂咁冲左出黎，好似黐左线咁晌条街度乱走乱叫，又乱咁踢街边Ｄ路牌同垃圾桶，完全唔理自己成身都畀Ｄ雨淋到湿哂。
　鸡雄见佢癫成咁，都唔敢行埋去劝佢，只有任得Jacky癫左一阵……
不过终于都係唔忍心，冲上去想拉住佢。点知Jakcy癫起上黎，扯住鸡雄就乱打乱踢，口里面大声喊住话：「Carol唔要我……Carol唔要我……」
鸡雄中左佢几野，虽然唔係好痛，可过个心都嬲嬲地，于是又行埋一边唔鬼啋佢。
只见Jacky发完一大轮癫之后，终于都静返落黎，成碌木咁企晌路中心，任Ｄ雨照头淋……
　　鸡雄陪住Jacky晌大雨中淋左大半粒钟，真係又冻又饿，有几次真係想丢低佢一个人返屋企训大觉；不过见到佢个咁既死款，心里面又唔多忍心……
始终係自己撬走左人地条女丫嘛……
而且佢又单身一个女仔，夜妈妈留低佢一个人晌条街度，鸡雄又唔放心。
到左最后，鸡雄终于都顶唔顺，放胆行埋去拍下Jakcy：「喂！男人婆，大丈夫何患无妻丫，畀女撇之嘛，又唔係世界末日，驶死咩？」
点知Jacky仲係企晌度冇反应。鸡雄就企埋去，搵把遮遮住佢，一面又话：「咁大雨，会淋病架，不如返屋企先啦……
Jacky依然一Ｄ反应都冇，于是鸡雄都唔理得咁多，一手拖实佢就行。
Jacky成身湿哂，成个公仔咁，呆呆咁任得鸡雄拖住行，不过一路行就一路震……
仲一路流马尿……

(2)
鸡雄睇到都有Ｄ唔忍心，于是又安慰佢话：「喂，女去女还在丫嘛，听日沟过第二件咪得啰！」
Jacky终于有反应，佢怒啤左鸡雄一眼，又喊住咁闹佢：「我Ｄ野关你个你个猥琐佬乜事呀？你识得乜野叫做爱咩？」
「识闹我即係已经冇事啦！」鸡雄一手递返把遮畀Jacky自己担，跟住又串返佢话：「係喇！妳乜都叻哂！超！你估全世界得妳一个人谈过恋爱？我阿雄粗人一个，乜都唔识，当然冇妳咁识得『爱』人啦！我剩係知道爱一个人係要令佢开心幸福，而唔係夹硬要将佢留晌身边，甚至不惜伤害佢，令佢伤心……」
「乜野喎？Carol同我一齐都唔知几开心呀！」Jacky即刻反驳。
「开心个屁！」鸡雄一句闹返过去：「佢根本就唔想同父母分开，你夹硬迫佢同妳私奔，根本就係伤害紧佢！」
「我冇……」Jacky哑口无言咁。
「你有！」鸡雄闹开有瘾，又继续闹Jacky：「妳自己唔锺意男人就算啦，做乜迫Carol陪妳搞基喎。佢好人好姐，好应该正正常常咁搵返个男仔谈恋爱架！」
Jacky好嬲咁：「你歧视我！」
「係呀！我係歧视妳个死基婆呀！咁点丫？搵人拉我丫笨？」
鸡雄直认不讳：「好好地一个女人唔去搵男人拍拖结婚大肚生仔，偏偏违背天理去同我地Ｄ男人争女， 香港地已经冇乜靓女架啦，妳仲要黎同我地争？分到薄哂，妳话唔係变态係乜野？如果个个女仔都好似妳咁，唔驶等乜野地球暖化、２０１２，就已经世界末日啦！妳呀……咪就係妳呢Ｄ人搞到人类灭亡架啰！」
哗！
咁大条罪名责落黎，Jacky都畀鸡雄吓左一跳，一时间竟然谂唔到藉口反驳。
佢地两个人一路闹一路行，唔觉唔觉原来就快行到返屋企楼下。
点知一转到入街口，Jacky即刻停低左脚步，仲一手拉住鸡雄唔畀佢行：「咪行住，你睇下……」跟手指住佢地楼下……
鸡雄望过去，见到有两架黑色大ＢＥＮＺ停左晌度。
「……係……係咪妳老豆Ｄ人呀？」鸡雄一边问，一边缩返只脚埋黎，两个人匿埋晌街角偷偷地望过去。
Jacky点左下头：「係，我认得架车。」
「呀！係佢！」鸡雄瞇起双眼，佢都认得其中一个企晌车边既男人……
就係果日晌长洲跟蹤佢同Carol果条西装友。
佢指一指畀Jacky睇，Jacky就话：「冇错，佢叫丧强，係我老豆Ｄ手下既头马。」   
「咁而家点算？唔返得上去喇喎！」鸡雄即刻苦埋口面。
  Jacky又有Ｄ担心咁话：「最衰头先落黎果阵冇带埋Ｄ钱，而家身上面得Ｄ散 纸……」
「妳咪旨意我呀！」鸡雄见佢望住自己，当堂耍哂手话：「我搵匀成个银包，都係得旧几水咋……」
「咁点算？」Jacky叹左口气。
「一係……返去啰……同妳老豆讲和……」鸡雄试探性咁提议：「横掂而家Carol都唔肯跟妳走咯……」
　「唔得！」Jacky斩钉截铁咁讲：「一日未同我老豆讲掂数，我都唔会返去……而且我仲要亲口听到Carol同我讲点解忽然间会改变主意？问佢係咪锺意左第二个？如果唔係，我点都唔会死心！」
「如果佢话係呢？」鸡雄又试探咁问。
   Jacky块面即刻胀红哂：「我一定会拎把刀去劈死果个撬我墙脚既仆街！」
「下？」鸡雄当堂唔敢出声，过左一阵，又怯怯咁话：「咁而家点呀？我想返屋企呀。」
因为佢个肚晌度打紧鼓。
「唔得！」Jacky又拉住佢。
「乜野呀？」鸡雄想甩开佢只手：「都唔关我事！」
「你以为我老豆会相信你咩？你之前同Carol一齐，而家又同我齐齐失蹤……」
Jacky冷笑住望实鸡雄：「我老豆以前做乜野起家，你应该都听过架啦……」
鸡雄即刻谂返起陈大富后生果阵係黑帮大佬既江湖传闻，个心当堂凉左半截……
即刻就苦埋泡腮：「唔係呀嘛？真係唔关我事架喎，我都係无辜辜畀妳拉左落水架咋……」
Jacky仲冷笑咁话：「边个叫你咁多事呀？总之而家你已经冇可能置身事外架喇……」
「咁今晚点呀？」鸡雄哭丧咁：「我饭都未食架？」
「我都唔知……最衰我地身上又冇钱……」Jacky个心都似乎好乱：「只有是但搵个地方过一晚先，到左听朝先再算……」
鸡雄谂左一阵：「地方唔係冇，不过就屈质Ｄ……」

(3)
「哗！乜呢度咁臭架？」鸡雄一打开度门，Jacky已经畀涌出黎果阵酸馊味薰到几乎想呕咁滞。
　鸡雄一手推左佢入去：「将就下啦，依家着紧草呀，妳估係渡假咩？」
　呢间其实係晌鸡雄开工果间茶餐厅隔几个舖位既一间吉舖。
间舖已经吉左成年，里面冇水冇电，鸡雄就整鬼坏左后门个门锁，执乾净左一个角落头，铺左Ｄ 纸皮晌地下当係蛇窦。
平时出开去送外卖返黎，都会匿埋晌里面蛇下王…
　鸡雄摸黑点着枝蜡烛，又放低Ｄ岩岩晌便利店买返黎果Ｄ麵包零食同埋野饮，跟手坐低挨埋墙边，向住仲企晌度犹疑紧坐唔坐低既Jacky话：「坐啦！妳唔係想企成晚係嘛？」
「呢度咁污糟？」Jacky皱哂眉咁慢慢住低。
点知一坐低就摸到Ｄ野，佢低头一睇，原来係本烂熔熔既「蛇猫狗」……
中间仲夹住Ｄ黄琴琴，一阵除既厕纸……
当堂吓到佢「哇」一声弹开
　鸡雄见佢个死样，叹左口大气：「妳坐过黎呢边啦！呢度我平时训开，乾净Ｄ既……」
Jacky唯有死死地气行埋黎，晌鸡雄旁边坐低，一面仲捏住个鼻话：「听朝一早我就会打电话搵个Friend借钱，到时……」
「到时咪畀个皇帝妳做啰！」鸡雄一句窒过去：「过左今晚先讲啦……拿，食Ｄ野先啦，睇妳个样都未食晚饭架啦？」
自己已经搣开两个麵包，大啖大啖咁塞入口。
Jacky拎起个麵包咬左两啖又放返低……
「乜野呀？」鸡雄见佢咁，又润佢：「好一餐唔好又一餐啦！唔通妳仲想好似平时咁叫外卖都叫鲍鱼捞麵咩？」
「唔係呀……我冇胃口，食唔落咋……」Jacky冇厘神气咁。
「又挂住Carol牙？」
「嗯……」Jacky岳高头望住个天花板，根本冇理鸡雄：「佢依家应该晌屋企，同爸爸妈妈好开心咁食紧晚饭……」
「妳冇野丫嘛？」鸡雄见佢Ｄ表情古古怪怪咁。
「或者……」Jacky叹左口气，仲係冇理佢：「你讲得岩……我真係唔应该咁自私，拖埋佢落水……」
「妳……讲乜野话？」
Jacky自言自语咁：「但係……我真係锺意Carol架……点解……点解佢唔要我？」
鸡雄问左两声，见Jacky根本唔骚佢，都懒得再理佢，自顾自食饱个肚之后就缩埋一二角大觉训……
点知训到半夜，鸡雄忽然畀人嘈醒左，佢一拧转身，凭着晌铺面大闸Ｄ疏格度透入黎果Ｄ街灯灯光，佢隐约见到Jacky训左晌佢旁边，成身不断晌度震，又不停咁细细声唔知讲紧Ｄ乜野。
「妳点呀？唔舒服牙？」鸡雄有Ｄ担心，于是扭着个电筒睇下，只见Jacky成头成面都係冷汗，于是胆粗粗伸手摸下佢个额头…
　哗！劲辣手呀！Jacky原来发紧高烧！

　后话：鸡雄帮左Jacky同Carol，不过畀佢地拖左落水……原来Jacky个老豆「有底」架！呢下仲唔死？Jacky行藏暴露，迫住同鸡雄走佬，沦落到要匿埋晌Ｄ烂鬼空屋度过夜……而且，仲祸不单行，发埋烧添！鸡雄今次都可算係拿屎上身咯……