其实我无乜兴趣,但係听到May都去,唔知点解我又想跟住去,可能係因为有泳衣睇......
咁我一早就打电话比Ivy话过去车佢地,到咗楼下就call佢两个落呢.
等咗一阵,已经见到佢两个行过呢.
一个青春打扮白色小背心热裤仔拖鞋,戴着蓝色鸭舌帽,另一个就成熟look,一条米白色长裙,戴住太阳眼镜,高踭凉鞋.
佢两姊妹一齐行真係引死人.
亚May先同我打招呼.
[Hi.]
[Hi,两位靓女上车先啦.]
咁Ivy当然係坐我侧边啦,May就坐后面.
Ivy问我:[你唔係话要开工唔呢咩?]
[原本係...咁啱同人调更所以咪呢到啰.]
跟住May就问:[亚妹话你做马会喎,辛唔辛苦架.]
[唔係好辛苦姐,又可以带佢地出去行下,间唔中抽下水.]
[吓!抽水?]
[哦...妳...听错,係抽血,抽血先真....]
几乎讲错野.
[咁...做咗几耐?]
[一年有多.]
[听闻人工唔错?]
[人工,唔一定架,有时多D有时少D.]
[马会唔係月薪咩?点会时多时少?]
[我....我间唔中请假,所以...成日比人扣粮.]
[家姐!!做乜审犯咁问...]
[无...好奇问下啫.]
好彩Ivy帮我挡住,再比佢问落去迟早穿煲.
好快我地就去到西贡码头.
见到明少拖住条女同佢班有钱仔朋友一齐.
今日睇呢都几热闹,睇怕都有廿几人女多男少.
部白色游艇係佢老豆既,几靓架,我都唔係第一次坐,我地陆陆续续上晒船,之后驶咗出唔知边到,只係知佢话呢边水清又无咁大浪喎.
跟着这正式开P.
Ivy同May去咗船舱换衫,我就坐係甲板等佢两个,顺便Show下我排朱古力.
当见到佢两个出呢时,全场D麻甩仔静晒眼金金咁望实佢两个.
Ivy着住蓝色比坚尼泳衣,佢身材当然唔错啦,不过都係有D babyfat.
至于May就真係唔讲得笑,佢着住一件高叉deep v黑色泳衣.
件衫完全包唔住佢火辣辣既上围,有半边波露咗出呢,一边行一边震下震下.
但係最估唔到佢对脚重靓,皮肤光滑白里透红,再加上佢着住高踭凉鞋,将成只脚既曲线拉得更长.
真係应肥既地方肥,应幼既地方幼.
佢虽然唔算高,但係身材均匀绝对係上帝既杰作.
在场D女99%都係靓妹,完全比唔上佢既女人味.
睇到女既羡慕男既吞晒口水.
明少即刻走过呢问我:[哗~~呢条女边到呢架?咁索既?]
[佢係Ivy家姐.]
[哦....]
见佢眼金金对住May笑淫淫,又唔知谂乜衰野啦.
我无理佢走过去Ivy同May身边.
[家姐,我帮妳搽太阳油丫.]
见到Ivy帮训係到既May搽油,佢皮肤滑不溜手,特别係推到PatPat,就咁睇都知佢弹性十足.
睇到high high地,好鬼诱惑,真係好想摸下.
[华,帮我搽太阳油丫.]
之后Ivy叫我帮佢搽.
[哦...好呀.]
其实Ivy皮肤都好光滑,摸上手都係好有弹性.
虽然我地已经拍拖,但係我地从未上过床,唔係我唔想,只不过佢好似有D抗拒.
算啦顺其自然,好难得呢个世界重有D咁纯情既女仔.
我都好享受现在个关係.
係甲板晒咗一阵,佢地开始玩水上活动,Ivy落咗水玩wakeboard,我水性唔好所以无玩坐係船边望住佢地玩.
突然May走过呢,坐係我侧边,佢攞咗包烟比我,我望一望佢攞咗一支:[唔该.]
跟住佢自己都攞咗一支,我地一齐係到煲烟,佢问我:[你唔落水?]
[唔啦....我唔熟水性.]
[唔识就唔识啦,乜野唔熟水性,废话.]
哗~~乜事,食咗火药咁,个态度同之前差咁远.
[古惑仔讲野无句真.]
[吓!!]
[唔洗扮野啦,我唔係亚妹,你呃到佢呃唔到我.]
估唔到May会咁讲,我瞪大对眼望实佢.
佢喷咗一口烟继续讲:[马会唔会请有成身纹身既员工.]
呢样我真係唔知喎,仆街穿咗煲添.
[妳点知我...]
[你地D古惑仔除,一闻就知.]
吓,乜我地有特殊气味咩?点解我唔知架.
不过睇得出我係古惑仔,都係得两种人.
一係※※※,一係都係江湖中人.
点睇佢都唔似后者,
咁啫係.....金翅仆街鸟.
